Accionnan Europeo ta cay cu forsa causa pa lockdown

426

E accionnan Europeo a baha diaranson cu forsa debi na e aumento di e medidanan di lockdown decreta den varios pais pa lucha contra e pandemia di coronavirus.

Frankfurt a baha un 4,17%, London y Milan un 4,06%, Paris un 3,37% y Madrid un 2,66% mientras cu e index Eurotoxx50 a baha un 3,49%, bahada cu ta esunnan mas halto for di dia 21 di september ultimo y di dia 11 di juni den caso di e accionnan Italiano.

Na Alemania, por ehempel, e canciyer Angela Merkel y e regionnnan a acorda e ceramento di bar y restaurantnan na november, como tambe bida nocturno, actividadnan cultural y deporte den espacionan cera, aunke lo mantene comercio y actividad escolar habri.

Otro paisnan manera Francia a aumenta tambe e medidanan di lockdown.

Un muhe ta bandona e edificio di e Bolsa di Frankfurt na Alemania. EFE/ Mauritz Antin/Archivo

E aumento di e casonan di coronavirus den e otro banda di Atlantico a hiba Wall Street pa habri cu caida y su principal indicador, Dow Jones di Industrials, a keda na un 3,29%, e selectivo S&P 500 lo a perde un 3,26% y e indice compuesto Nasdaq, den cual ta ubica e principal negoshinan tecnologico, lo a cay bek un 3,45% na ora di ceramento di e mercadonan Europeo.

E prijs di petroleo intermedio di Texas (WTI) a baha cu 6,09% te na 37,16 dollar pa bari pa e pesimismo generalisa riba e mercadonan cu un subida di casonan di coronavirus, cu por hiba na un retraso di e actividad economico y un menor demanda energetico mundial.

E prijs di bari di petroleo Brent pa entrega na december a baha un 5,36% riba e mercado di London te na 39,38 dollar, debi na e inkietud pa e aumento di casonan di COVID-19 na Merca y Europa.

Euro a cay diaranson bao di 1,175 dollar y ta cambi’e na 1,1746 dollar, compara cu 1,1832 dollar den e ultimo oranan di e negociacion Europeo di e mercado di divisa di e buelta anterior.

Ons di oro ta riba un bahada generalisa riba un 1,72% te cu 1.878,95 dollar.