Dialuna a cuminsa cu e reunion di tratamento di ley di LNT, pero a suspend’e y diamars a sigui cu ne. Miguel Mansur, lider di fraccion Accion21, ta e unico di oposicion cu a vota pro p’e ley di LNT. El a tuma e punto di bista cu e companianan aki mester ta administra y maneha na interes di pueblo en general, no di nan empleadonan.
Segun Mansur, nan a mira mas cu suficiente evidencia di exceso. Esaki ta e prome stap. El a splica cu e mercado no tin ningun mecanismo di controla e entidadnan aki, pasobra nan no tin competencia. Hopi di nan ta yena cu nombramento politico. E ley cu a pasa ta laga espacio pa minister exonera e personalnan clave.
Durante e reunion, e parlamentario a bisa cu e kier p’e exoneracionnan pasa pa funcion y no pa entidad. Si exonera henter entidad ta caba cu e problema. Mansur a sostene e ley, pero su amiendanan no a pasa. Asina mes e ta duna parlamento autoridad pa duna exoneracion y no lag’e den man di minister. El a conclui cu tabata dos dia largo di reunion, pero su persona a tuma e punto di bista di para p’e companianan ta miho administra posibel. Nan ta entidad publico y Accion21 kier pa nan ta administra na interes di pueblo.
Pa mas lesa TREMPAN.COM.
