Cu maximo urgencia a dirigi e tankwagen di brandweer direccion Paradijwijk pa un cas na candela. Nan a yega mesora y ta tempo pa scapa e cas di kima por completo.
Esaki a tuma luga aproximadamente 12:00 pm ora cu tur autoridad a presenta na Caya Frere Fredericus 10A den Paradeijwijk. Por a tuma nota cu e daño a concentra na un kamber parti dilanti di e cas. Daño di candela y huma ta considerabel pero afortunadamente no a pasa di eynan. Brandweer a yega na tempo pa evita lo peor.
E prome tankwagen (di post na Tanki Leendert) a yega y domina e candela mientras e di dos turck (di Post na Aeropuerto) a presenta pero no mester a haci mucho mas como cu a logra paga e candela caba e momento ey y scapa e cas.
Tambe a compronde cu lo tabatin persona of herida of cu tabatin mester di atencion di paramedico relaciona cu e candela. Pa e motibo ey mes a pidi presencia di ambulance tambe na sitio. Personal di slachhtofferhulp tambe nan a yama pa bin brinda asistencia na e habitantenan victima di un perdida material sorpresivo.
Informe cu a ricibi na sitio a indica cu muy probablemente lo ta un charger di telefon lo ta e causante di e candela cu a cuminsa den un kamber.
