Accion masal buscando ilegalnan den Sero Colorado

Diaranzon anochi autoridad a wordo informa cu tin ilegalnan a subi tera den Sero Colorado. Polisnan di San Nicolas a bay cu urgencia. Kustwacht tambe a wordo informa. E buskeda tabata pa diferente persona.

 

Polisnan a tende cu ilegalnan a drenta cas bandona tambe. Tambe tabata wordo menciona cu banda di e Ex Hospital di Lago tin movecion. Ora cu Polis a yega eynan a wordo bisa pa bay cu cautela y warda mas unidad yega.

 

Comisario di Polis tambe a drenta den Sero Colorado pa core busca ilegal. Finalmente no a haya ningun hende. Polis a haya paña muha y esey ta manera un confirmacion cu tin hende cu a sali di lama. E personal di kustwacht tambe tabata den autonan moviendo y buscando e ilegalnan. A controla autonan cu tabata move tambe den Sero Colorado.