Accion di polis: Varios cumprado di droga encarcela

Diabierna anochi un team special di polis tabata hopi activo riba caya relaciona cu cumprament’i droga riba caya. Ta den John G Emanstraat na un cas conoci pa husticia, e topa cu un homber cu droga den su poder y a declara cu el a caba di cumpra droga na un cas den e dicho caya. Ta netamente e cas aki ta unda cu autoridad a tene un entrada hudicial no mucho dia pasa, unda cu a  detene varios persona y a confisca varios tipo di droga. 

E team special aki, conoci como straatverkoop, a detene mas persona relaciona cu mesun problematica na altura di fruteria Virgilio. Tur cos ta mustra cu a detene mas persona y probablemente a confisca droga tambe mirando cu a pidi cooperacion pa no publica nada te cu comienso di siman.