Un accion di Polis cu boto y helicopter a capta atencion diadomingo atardi banda di Eagle Beach. Hendenan na tera a bati alarma pasobra nan a mira un waverunner bolter pabou di Casa del Mar.
Esnan cu a yama no por a confirma si nan ta herida. Mesora a pone Polis na tera na altura y tambe a saca e boto di Polis. E helicopter e biaha aki tabata tin hende presente na Tanki Flip y a sali na tempo. A yega como prome unidad na e sitio. Tabata cordina for di tera, den aire y finalmente e boto tambe a yega basta rapido. Ora e helicopter a yega tabata tin tres hende wanta na e waverunner. Nan tabata basta cansa.
Un di e tres hendenan a landa for di tera pa bay yuda e dosnan cu a bolter. Polis a yega haya tur tres wanta na e waverunner mientras yudansa tabata yegando. Un di nan a expresa cu e no por wanta mas. E tabata casi give up. Lama tabata basta bruto y esey a wordo anuncia prome cu weekend.
Finalmente boto di Polis a yega y e dosnan cu waverunner a wordo yuda poni den boto di Polis. E di tres a logra bay tera bek. E compania a logra yega pa bay cu e waverunner. Despues e dos turistanan a haya problema cu e watersport pasobra a bay atende cu un of otro suma. Polis a bay eynan tambe pa intermedia.
