Awe Aruban Warriors a bay piki sushi den Rooi Frances, debi cu e sitio ta hopi sushi. Boluntarionan a topa cu y a piki masha hopi boter di cerbes, boter plat, foam, cups y straw. E luga tin asina tanto tempo sushi cu a hasta topa boter di cerbes semi antiek di añanan 70/80.
E organisacion di boluntarionan ta convenci cu lo mester bolbe organisa mas dia di piki sushi den Rooi Frances. Esaki ta un luga sagrado unda, segun storianan oral di nos grandinan, nos antepasadonan Indjan Caquetio a bringa contra colonistanan Frances.
Nos mester cuida nos luganan sagrado. Aruban Warriors kier sa ta kico Gobierno ta haci cu nos placa di belasting si tur nos luganan historico ta sushi y maltrata asina?
