Diasabra, pa mas of menos 10’or di mainta, polis tabata presente na Paradera, cerca di Pacifico Restaurant pa un accidente, caminda cu un Mitsubishi Lancer lo a dal contra di un pickup KIA.
TA asina cu e Lancer tabata biniendo for di p’ariba, lo a dal contra di e KIA cu tabata biniendo for di e rotonde di Paradera, direccion Santa Cruz.
E daño material tabata considerabel mirando cu e porta di banda di chauffeur a keda kibra como tambe e glas.
Aparentemente chauffeur di e Lancer tabata bao di influencia di alcohol. Pa esaki polis a deten’e mesora y hib’e warda. Te asina leu no tin herido den e accidente aki.
