Dialuna atardi a sosode un accidente cu hende herida. Polis a wordo manda cu urgencia banda di Grand East na Noord. Net poco pariba di brug di Madushi. ora cu Polis a yega na e sitio nan a topa cu dos auto.
E accidente tabata semifrontal. Un Hyundai y un Getz tabata envolvi. E Getz a cora den robez bayendo direccion pabou y e Hyundai a purba hala man drechi pero asina mes e chauffeur no a evita e accidente.
A brake pero e impacto tabata fuerte. E pareha di edad den e Hyundai a keda herida. Patruyanan cu a yega na e sitio a pidi pa ambulance. E señora tabata tin un operacion recien haci y a haya golpi net na e rudia. E casa cu ta e chauffeur a rasca su man ora e airbag a bula. Ambos auto a keda hopi kibra. E cauffeur di e Hyundai blanco a splica cu el a cumpra e auto net un siman pasa. E tin tur cos na ordo. E Getz tambe tabata sigura. Paramediconan di ambulance a yuda esnan herida pa despues hibanan hospital.
