Accidente semi frontal cu chauffeur herida na Santa Marta

Diasabra anochi alrededor di 11:15 pm a sosode un accidente riba e caminda di Santa Marta pa Sero Biento. E autonan envolvi ta un Suzuki Swift color blauw y un Haval color Blauw. E Haval tabata biniendo for di Santa Marta bayendo direccion Sero Biento y e Swift for di direccion contrario. 

E chauffeur di e Swift a conta cu e Haval a coy e bocht mucho grandi y a bin dal casi frontal contra di dje. E chauffeur di e Haval a resulta herida, e tabatin un corta na su man y tabata keha di basta dolor na su nek. 

Boksmento cu herido riba e caminda di Santa Marta pa Sero Biento

Posted by 24ora on Saturday, August 13, 2022

Polis a cera caminda mientras e specialista di trafico a documenta e accidente aki. Daño material tabata basta na ambos vehiculo. E taira di e Haval a keda benta memey caminda despues di e impacto. Na final mester a takel ambos auto mirando nan no por a move riba nan propio forsa.