Accidente riba crusada di Rooi Afo pa subi Meiveld

Un dama herida y hopi daño material despues di un accidente entre dos vehiculo na crusada di Meiveld y Rooi Afo. Polis na sitio a cuminsa desvia trafico pa asina atende cu e accidente.

Accidente a luma luga dialuna atardi, den careda di 1:30PM, entre un Honda Fit y un Nissan Presage, caminda ambos vehiculo a haya basta daño material. Informacion na sitio ta indica cu e Nissan color cora, biniendo di Rooi Afo no a tuma nota di trafico biniendo for di e caminda di Meiveld cu tabata bayendo direccion Playa, a subi caminda cu tur consecuencia.

E dama na stuur di e Nissan tabata levemente herida y bisto den basta dolor. E caminda aki ta keda tambe uno cu frecuentemente tin accidente riba dje y lo ta consehabel pa core cu cautela den e area.