Diaranson mainta, den careda di 10:45AM a sosode un accidente riba caminda grandi di Savaneta caminda cu dos auto tabata envolvi. E impacto tabata fuerte y cuater persona a resulta levemente herida.
Na sitio por a tuma nota di un vehiculo cu a bay dal den un cura di cas y e otro vehuculo a bay subi piedra y palo na otro banda di caminda ( net dilanti Club Arias ). Ambos vehiculo cu basta daño material.
A pidi presencia di ambulance na sitio mirando cu algun victima tabata kehando di dolor. No ta conoci motibo di accidente. Polis a atende mesora pa asina evita menos stagnacion posibel.
