Accidente pisa, Sabana Liber na Noord

1737

Diadomingo banda di 10’or di anochi ta sosode un accidente basta pisa den bisindario di Sabana Liber na Noord.Na e sitio a encontra un Pick-up preto benta riba su banda cerca di e Supermercado Wei Ming y un Hyundai Accent cora pariba di caminda net un tiki prome cu e bocht cu ta bay pa brug di Madushi.

Polis mesora a sera e caminda na ambos banda pa asina niun trafico por pasa na e “Plaats Ongeluk” (P.O.) y pa asina nan por atende cu esnan envolvi den e accidente y pa nan por haci nan investigacion trankil.Mirando e seriedad di e accidente, presencia di ambulance tambe a wordo pidi na e sitio mientras a detene e chauffeur di e Hyundai Accent pa core bou di influencia di alcohol.

Segun informe in-oficial e Hyundai Accent tabata bayendo pabou pero tabata core zigzag y asina dado momento tabata core na banda robes di caminda. Chauffeur di un pick-up preto cu tabata bayendo pariba a ripara e manobria straño di e Hyundai y a trata di evita pero no a logra unda e autonan a dal den otro y a benta e pick-preto riba su banda mientras e Hyundai mes a end up te banda di e bocht cu ta bay pa brug di Madushi.Polis a tuma basta rato pa investiga e causa exacto di e accidente, mientras e caminda a keda cera.