Accidente pisa riba Green Corridor a laga dos auto “total loss”

4121

Awe pa mas o menos 11:30am a sosode un accidente serio riba Green Corridor, net riba e caminda grandi dilanti Wayaca Falls. Na e sitio nos a topa cu dos auto, un auto marca Ford modelo Mustang color oraño, numera A-34478 cu sla dilanti y patras. Tambe nos a nota un auto marca Nissan modelo Versa color cora, numera V-64, cu tabata gebolter banda di caminda. Tabatin un herido na e sitio di accidente, di cual ambulance a transport’e pa Hospital pa tratamento medico.

Na e sitio nos a compronde cu chauffeur di e Mustang “Cobra” tabata coriendo direccion San Nicolas riba Green Corridor ora cu na un dado momento el a sinti cu algo a kibra den e “diferential” di su auto. Consecuentemente e chauffeur a perde control y accidentalmente a bay dal patras di un auto marca Nissan modelo Versa.

Accidente pisa riba Green Corridor a laga dos auto "total loss"

Accidente pisa riba Green Corridor a laga dos auto "total loss"https://24ora.tv/2uAigJu

Posted by 24ora on Saturday, January 25, 2020

Dor di e impacto aki, chauffeur di e Nissan tambe a perde control y a bolter. E Ford Mustang a sigui dal den muraya di e cura di e compania di carga pisa canto di caminda, a sigui spin, kibrando e “suspension” dilanti di e auto y den e spinmento a bolbe dal patras (pa di 2 biaha) den e muraya.

Cu ambulance a transporta chauffeur di e Ford Mustang pa hospital pa por ricibi tratamento medico avansa. Probablemente mester saca potret pa mira si e no a kibra nada den su curpa. Na e sitio e tabata mustra bastante trankil si. Ambos auto a keda “total loss”.

Dor di e impacto y den e estado cu ambos vehiculo a keda despues di e accidente, a causa cu autonan pasando tabata keda wak y forma filanan largo. Na dado momento Polisnan a dicidi di cera Green Corridor for di rotonde di Aeropuerto pa asina nan por a traha trankil, haci e investigacion necesario, pa por saca afor precies con e accidente aki a sosode.