Diasabra mainta, polis a bay riba e caminda di Siribana, caminda tabata tin un accidente entre un pick up y un brommer.
Aparentemente e brommer tabata bin di pariba ta swing y pa ora e pick up bay pa hala na e T-weg pa bay zuid, e brommer ta dal contra e pickup parti patras na e tire, te cu el a kibr’e. Chauffeur di e pick up, cu por cierto tabata un auto presta, tabata cu su yiu y net nan tabata birando pa bay direccion zuid na e T-weg pa bay yuda un hende verhuis. A test e chauffeur pero e no tabata bao di influencia di alcohol. Ambulance a presenta na e sitio y a bay cu e motociclista, kende a keda herida.
Daño na e pick up ta basta bon, mirando cu e no por a core mas. Pa loke ta e brommer, esey a hink’e den cura di un cas net eybanda mes.
