Diasabra mainta tempran, den careda di 6’or y mey, a sosode un accidente basta pisa den e famoso lorada di Franse Pas.
E yobida di marduga a percura siguramente cu e dos autonan aki, esta un Toyota Yaris y un Kia Optra a slip y dal semi frontal den otro. No ta descarta cu aunke e caminda ta muha, velocidad a hunga un rol.
Chauffeur di ambos auto ta masculino. A solicita di biaha pa un materialenwagen ya mirando e situacion. Pa loke ta e chauffeur di e Yaris, a logra sali di e auto cu ayudo, mienstras tanto e chauffeur di e Optra si mester a corta e auto pa logra liber’e.
E tabata keha fuertemente di dolor. Specialista di trafico na sitio a sigui haci su investigacion en espera di takelwagen. Daño material ta considerabel.
