Diasabra atardi, den careda di 6’or y 15, patruya a bay tras di Citgo Santa Cruz, pa un accidente entre un Toyota Yaris y un scooter. Aparentemente e Toyota Yaris lo tabata biniendo cu un velocidad poco halto net na momento cu patras di edificio, un hoben riba e scooter lo a crusa su dilanti.
E chauffeur a purba di brake, pero e no a logra di para ya dal e manehador riba e scooter. El a ricibi un kap chikito tras di su pia y a golpia su enkel. Cu ambulance e manehador di e scooter a wordo hiba pa hospital.
