Diasabra atardi alrededor di 5:15 pm a sosode un accidente na Paradera. Un poco mas pabou di ex-Pacifico Restaurant ta unda e accidente a sosode. E autonan envolvi ta un Nissan Altima y un Kia van color blanco. Den e accidente aki, e chauffeur di e Nissan a resulta herida, el a fractura su brasa, pa cual ambulance a transporta e victima pa hospital p’e ricibi atencion medico avansa.
E Altima tabata riba su caminda di preferencia, biniendo for di pariba ora cu e van a subi su dilanti for di e caminda cu ta bin for di Casibari. Daño material tabata considerabel. Mientras cu un patruya a cera caminda, e specialista di trafico a documenta e accidente aki.
