Diasabra pa 9:30pm a sosode un accidente n’e crusada di Palm Beach, na altura di CMB. Un auto marca Nissan modelo Cube color biña, numera A-73645 tabata biniendo for di Caya Nelson Sprok y no a duna preferencia na e auto cu tabata rib’e caminda principal di Palm Beach. E otro auto ta un KIA color blauw numera A-21117.
Daño material tabata bastante, pa cual polis mester a desvia e trafico mientras cu Forensys tabata atende cu e accidente.
Mester agrega cu a nota cu varios auto a pasa band’i e accidente pero polis no a detene ningun persona. Ta parce cu autoridad no ta actuando cu man duro riba TdQ, manera si a sosode den e prome ola, algun luna pasa.
