Diasabra, pa mas of menos 3’or y 50 di marduga, patruya ta bay na e luznan di trafico na Noord, caminda cu lo a sosode un accidente. Eynan polis ta bin topa un Hyundai Accent color preto, numera V-5756 y un Hyundai Getz color blauw, numera A-4831, cu a dal den otro. Tur dos chauffer a bisa cu nan a pasa den luz cora. Ora cu polis di trafico a presenta y a cuminsa investiga kico exactamente a pasa, nan a bin saca afo cu e Getz Blauw a pasa den luz berde, pero dado momento e Accent preto, no a paga tino cu su luz tabata cora y a yega pasa. Consecuentemente nan a dal den otro. No tabata tin ningun hende herida. Daño material ta considerabel.
