Accidente na entrada di Sero Colorado

Diaranson, pa mas of menos 6:57 pm, polis ta bay Sero Colorado pa un accidente, unda cu un solo auto tabata envolvi.

Ta trata aki di un dama di edad hopi jong, kende tabata na stuur di un Nissan March color blanco, cu na altura di e anker, a dal un birada basta skerpi, net ora cu trafico contrario tabata biniendo den su direccion. Esaki a pone cu el a kita p’e y a bay para den mondi.

Tanto polis como ambulance a presenta na e sitio, mirando cu e dama a keda levemente herida. A atende na e sitio mes.