Accidente pa falta di preferencia a sosode diasabra anochi na Mundo Nobo na Santa Cruz. Un Kia color baby Blue saliendo for di crusada di Mundo Nobo a alcansa un Infinity shinishi. E chauffeur cu e auto Kia kier a sali pa bay direccion di rotonde di Santa Cruz pero na momento cu e Infinity shinishi tabata lorando, e chauffeur di e Kia no a midi esaki bon y a dal contra e Infinity. Daño na e Kia tabata fuerte pero e Infinity si no a haya mucho sla. Tur dos chauffeur a keda bon sin ningun herido. Na dado momento a pidi presencia di Polis pa presenta na e luga pasobra un chauffeur no tin rijbewijs. A resulta cu e no tabata tin rijbewijs cun’e e momenton ey.
