Accidente grave cu brommer na Savaneta

21

Tabata algo pasa di 11or di anochi cu un homber a accidenta cu brommer na Savaneta. E tabata biniendo for di direccion pabou, bayendo ariba. Net dilanti di Dynasty Ranch el a perde control, dal den trottoir.

E persona mes a dal su cabes duro den un cura di cas. E tabata gravemente herida, pero prome instante e no tabata reacciona mucho bon. A resulta cu el a perde conocemento y e hendenan eybou cu a yega prome tabata bisa cu e no tin pulso, pa cual nan tabata pidi e ambulance pa haci mas rapido.

Accidente grave cu brommer na Savaneta

Posted by 24ora on Sunday, September 1, 2019

Ambulance a presenta na sitio y a transporte pa hospital. Polis tabatin mester di refuerso di otro unidadnan pa motibo cu varios hoben, amigo di e persona accidenta tabata stroba Polis di haci nan trabou.