Diahuebs mainta alrededor di 9:35 am a sosode un accidente basta fuerte na Paradera. E accidente a sosode net n’e t-kruising na altura di Anytime Bar & Restaurant.
Un total di tres auto tabata envolvi den e accidente aki. Un Toyota Rav4, un Chevrolet color shinishi y un Kia Picanto. Segun testigo, tur tres tabata bayendo direccion pabou, pues direccion pa rotonde di Paper Clip.
E Kia Rio parce t’esun cu a bin dal tras di e Chevrolet y pone cu a boks cu e Rav4 cu tabata mas dilanti. Entre e personanan herida, un di e victimanan ta na estado mientras e otro mester biaha pa Hulanda awe tardi ainda.
Un total di dos ambulance a presenta n’e sitio p’asina brinda atencion medico na esunnan cu mas tabatin mester di atencion medico. Mientras cu polis a cera un band’i caminda, e specialista di trafico di e cuerpo arma hunto cu seguro a registra y documenta e accidente di tres aki.
Accidente fuerte na Paradera
Publicada por 24ora en Jueves, 3 de abril de 2025
