Accidente frontal n’e brug di Rooi Manonchi

898

Diaranson mainta, den careda di 9:30AM a sosode un accidente frontal den birada skerpi direccion Sero Blanco.

A pidi presencia di polis pa un accidente basta fuerte riba e brug chikito na Rooi Manonchi direccion Sero Blanco, caminda dos vehiculo pa un motibo of otro a bay dal frontal den otro. Tabata trata di un Pickup Chevrolet S10 (berde) y un Chevrolet Celta (preto ) cu a ricibi basta daño material.

Na prome instante tabata indica cu no tabata tin persona herida pero cu trascurso di rato, un di e chauffeurnan a cuminsa duna señal di ta sintiendo su mes malo y dolornan na pecho. A pidi presencia tambe di ambulance pa atende e dama victima.