Diadomingo despues di 2:10pm a sosode un accidente na e crusada poco pazuid di Tin Wey Supermarket na Rooi Santo na Noord. Na yegada di Polis a constata cu tabata un “Hit & Run” den cual un di e partidonan a bandona e sitio mesora despues di e accidente.
E victima cu a keda atras tabata un auto marca Nissan modelo Tiida color blauw. E autor di e desgracia a sigui core y un rato despues un otro patruya di Polis a topa cu e auto na altura di Malmok.
E Nissan Tiida a keda cu basta sla na parti patras di e auto, pa cual a hib’e cu takelwagen. E tendencia di dal auto y bandona sitio a cuminsa lanta cabes atrobe, for di tempo cu actual Minister Plenipotenciario a siña automobilistanan con pa haci’e y un locutor di un radio chikito cu tambe a haci e mesun cos algun siman pasa, ora el a plama burachi den un truck di Serlimar.
