Accidente entre dos auto y un peaton na Malmok

Diabierna atardi alrededor di 3:30pm a sosode un accidente riba e caminda pa bay California Lighthouse na Malmok. Parce tabatin un auto marca Nissan modelo Tiida coriendo iresponsabel riba e caminda smal ey. Un otro auto, ma eha pa camaraman di Tele Aruba a bay hala un banda pa e auto no dal den dje, pero no a logra pasobra e auto a dal den dje toch, cu consecuencia cu e Toyota Prius color oraño di Tele Aruba a alcansa un peaton canto di caminda.

Den e rato di ora no a logra coy number di e Nissan cu a trapa bay dor di e sitio. E peaton no a haya sla serio na curpa pero a yama ambulance pa haci un checkup na e sitio.