Accidente entre boto y auto riba caminda

Diasabra atardi pa mas o menos 6:30pm a sosode un accidente riba caminda di Macuarima na Santa Cruz. Tabata un accidente straño, pasobra tabata entre un boto y un auto, riba pleno caminda grandi!

Un auto tabata lastrando un trailer cu un boto riba dje. Na dado momento, pa motibo desconoci ainda, e boto a los di e trailer y bay dal den trafico contrario, cu den e caso aki tabata un auto marca Totota modelo Tercel.

Consecuentemente, e Toyota Tercel a bolter dor di e impacto. E prome informe tabata bisa cu e chauffeur a keda pega den e auto. Pero na e sitio, danki Dios, a resulta cu no obstante di e impacto y cu e auto a bolter, cu toch no tabatin ningun herido. Claro cu tur envolvi a pasa den un susto si.

Testigonan ta señala e chauffeur di e pickup cu tabata lastra e trailer tabata core poco duro. Polis ta investigando e accidente awor.

Boto a los di trailer bay dal den auto na Santa Cruz

Posted by 24ora on Saturday, January 13, 2018