Diasabra anochi a sosode un accidente entre un auto y un brommer riba e caminda di Noord. Polis di trafico a yega of topa cu e accidente dilanti di Noord Supermercado.
Un chauffeur di un auto bayendo direccion nort a lora man robez pa asina bay na e Supermercado. E brommer tabata bin di direccion contrato y a dal den e auto. E impacto tabata fuerte.
E brommer a lastra un pida keda benta riba parkinglot di Supermercado. E motociclista mes tabata benta mas leu ainda riba e pida tera. Paramediconan di Ambulance a dune un man mesora.
E tabata na tino. Djey a bay cune Hospital pa dokternan atende. E chauffeur di e auto a splica Polis cu e no a mire e bormmer ta bin. E brommer tabata bin sin luz segun e dama chauffeur. Un amigo cu tabata presente y riba otro brommer tambe a notifica e famia.
