Accidente entre auto cu bais na Alto Vista

1549

Tabata algun minuut despues di 5:00pm cu un accidente entre un auto y un bais a tuma luga den e bario di Alto Vista na altura di Alto Vista # 97. Un auto marca Suzuki modelo Baleno color shinishi a alcansa un ciclista.

Segun informacion, e ciclista tabata core dilanti e Baleno, pero dado momento un auto a subi nan dilanti, cu a pone e bais brake, cu consecuencia cu e auto Suzuki a dal tras di e ciclista y bent’e fo’i bais.

No ta conoci ki marca e auto cu a sali nan dilanti ta, pero un cos ta sigur, el a trot bay laga un ciclista benta na suela y un auto cu daño atras. No obstante cu e ciclista a rasca su curpa, e no tabata desea atencion medico.