Diabierna algo prome cu 12’or mey anochi un accidente ta sosode den e entrada di Divi Phoenix.
Mirando e impacto duro a pensa cu lo por tin hende herida, pero na yegada di patruya a constata cu esey no tabata e caso.
Na e sitio, chauffeur di Toyota Glanza a declara cu e tabata bayendo direccion nort, ora cu na dado momento el a bay pasa un Nissan Versa, un auto di huur.
Pero pa su mala suerte, e Versa a cuminsa hala na su man robes, pa asina bay drenta Divi Phoenix, causando cu e chauffeur di e Glanza a ranca bumper di e Versa, pa despues pasa riba algun baranca y a dal contra di un palo di luz.
Por a nota cu e airbag di e Blanza a sali, mustrando un impacto basta duro contra di e palo di luz. Daño material ta considerabel y a pidi pa takelwagen bin hala e autonan for di caminda.
