Accidente di helicopter cerca di Aruba no tabata debi na fayo tecnico

E accidente di un helicopter NH90 di Defensa Hulandes den lama cerca di Aruba dia 19 di juli probablemente no ta causa pa un defecto den e avion. Den e accidente aki a fayece 2 di e cuater tripulantenan. A base di e resultadonan di e prome investigacion, Inspeccion di Siguridad di Defensa (IVD) ta afirma cu ta poco probabel cu lo tabatin un mal funcionamento tecnico of mecanico di e helicopter. 

IVD, hunto cu e Hunta di Siguridad di Aviacion Hulandes, a haci un investigacion na e luga di e hechonan y a analisa e dato di e pruebanan disponibel, incluyendo e grabado di e helicopter accidenta. E conclusionnan ta confirma den un di dos opinion realisa pa e Centro Aeroespacial di Hulanda (NLR).

Noordzee a/b Zr.Ms. Groningen, 19 april 2017.NH90 doet aantal dek landingen op het helidek van Zr.Ms. Groningen, dit om gecertificeerd te zijn voor o.a. operationele taken..Onder het vloot personeel aan boord ook wel bekend als “Dek bonken”.

E investigacion ta mustra cu e helicopter a baha inesperadamente y a cay den lama. E investigacion adicional lo tin cu mustra con e helicopter a haya su mes den e situacion aki.

IVD a informa Ministerio di Defensa di e resultadonan di e investigacion preliminar. Despues e accidente, Ministerio di Defensa a suspende e vuelonan cu NH90. Ta coresponde na e ministerio reconsidera e decision aki a base di e resultadonan preliminar di e investigacion.

Den e proximo periodo, atencion di e investigadornan lo enfoca den varios aspecto di e accidente, incluyendo e curso di vuelo fatal di e helicopter NH90.

###