Diamars mainta pa mas o menos 9:00 a sosode un accidente entre tres auto. E autonan envolvi ta un Mitsubishi, Chevrolet y Mazda. Segun por a compronde, e autonan tabata bayendo direccion Oranjestad fo’i Santa Cruz.
Segun informacion ricibi, e Mitsubishi a brake p’e auto su dilanti por lora, su tras tabatin un Chevrolet cu tambe a brake y sinembargo e chauffeur di e Mazda no a ripara cu e autonan su dilanti a brake. Consecuencia tabata cu e autonan a dal tras di otro.
Tur auto a ricibi basta daño material. No tabatin herido n’e accident aki pero si algun mucha cu a spanta debi na e impacto di e accidente.
