Accidente den parkeerplaats di Save a Lot

Den careda di 6:45 PM diahuebs atardi, e patruya di Noord y ambulance a ser dirigi na e parkeerplaats di Save a Lot.  A menciona cu un persona a bira malo na stuur di auto. Mesora e unidadnan a presenta na e sitio y a topa cu un Hyundai Accent cora cu e persona cu a bira malo na stuur.  Ambulance a presenta na e sitio pa asina atende cu e manehador di e Accent. Polis a bay chek kiko exactamente a sosode. A saca afo cu e manehador di e Accent tabata reverse e auto y na dado momento el  a bira malo y a bay dal den un Daihatsu color geel numera A-37310 cu tabata para na e parkeerplaats. Door di e impacto e auto a sigui bay  dal den e cas na banda. Daño material tabata minimo. Ambulance a atende cu e victima.