Net algo prome cu 8or dialuna mainta, a sosode un accidente entre tres auto na crusada di ex veld di Bubali. Polis y ambulance a dirigi nan mes urgente na e sitio pasobra tin hende herida.
Ora polis y ambulance a yega na e sitio a cuminsa investiga y atende cu esnan herida. E personal di ambulance a atende cu e dama cu a ricibi slanan pa motibo di e impacto di e accidente.
Polis a tuma datos y a saca afo cu e Nissan Tiida biniendo for di pabou riba caminda di preferencia a haye cu e BMW SUV cu lo a take chens cu consecuencia cu e Tiida a dal riba e BMW cu a lora su dilanti y bay pega riba e van Hyundai cu tabata para na e crusada cla pa sali. Daño material ta basta grandi. Polis a sera caminda pa asina no wordo stroba di haci nan trabou.
