Trafico a para algun rato riba caminda grandi di Sta Cruz ( Dilanti Citgo Sta Cruz ) na momento cu un motociclista a dal tras di un Ford Explorer cora y bay halto. Testigonan na sitio ta conta di a wak e persona riba e brommer purba para pero no a logra, e la bay basta halto y e brommer lo a bin cay riba su pecho.
E dama cu tabata na stuur a informa cu e la para pa asina duna un otro vehiculo chens pa lora su dilanti y bay direccion pa e stacion di gasolin. Den su spiel e la tuma nota cu e brommer no tabata mustra di cu e ta bay para. Tambe ta conta cu probablemente e brake di e brommer lo a faya y ta pa e motibo ey e no por a para mas.
E vehiculo no a ricibi kasi ningun daño material. A pidi presencia di ambulance pa atende cu e motociclista cu tabata keha di basta dolor na su pecho.
