Accidente cu material pisa riba LG Smith Blvd

Diamars mainta lat a sosode un accidente cu a causa solamente daño material. Un truck lastrando un flatbom carga cu ekipo pisa di hero a laga parti di e ekipo cay. E ta beamnan hopi pisa. Ora nan a cay a slip riba caminda dal den e auto di direccion contrario. El a sosode net pabou di Kong Hing Supermarket.

Trafico a stagna totalmente dor di e accidente aki. E auto su wiel a ser ranca ora e beamnan di hero a dal den dje. Mester a desvia e trafico pa baha di caminda pa por a pasa. Esnan di e compania a presenta mesora.

Imagen di camara ta mustra con e carga pisa ta cay for di e trekker awe mainta riba L.G. Smith Boulevard y bay dal den un auto pasando na e otro banda, net na e momento ey.

Posted by 24ora on Tuesday, January 8, 2019

DOW tambe a presenta y atende cu e caminda cu tambe a sufri daño cu e caida. Danki Dios tur cos a keda na daño material. E compania tin seguro y lo cubri esaki.

• 

• 

• 

•