Chauffeur a keda pega den auto den accidente riba Sasakiweg

Algun minuut pasa a sosode un accidente riba Avenida Nelson Orlando Oduber, antes conoci como Sasakiweg, poco mas panort di e rotonde di Super Food. Ta trata di un auto RHD, modelo Crown. Tabatin un hende herida y pega den auto. Ambulance a presenta na sitio pa atende cu e victima.

A pidi presencia di materialenwagen pa corta e auto y asina rescata e chauffeur. E vehiculo tabata bayendo direccion di Palm Beach ora cu pa motibonan desconoci y su so, a perde control y bay cay den e greppel na banda drechi di e caminda.

Por a tuma nota di varios patruya y motorunit presente y tabata dirigi e trafico. A dura mas o menos 15 minuut pa bomberonan corta e vehiculo y saca e persona herida.