Diasabra anochi, pa mas of menos 8’or y 35, polis ta bay na e T-weg na Ponton na altura di e service center, pa un accidente.
Ta trata aki di chauffeur di un Murano color shinishi, cu no a para na tempo y a dal tras di un Chevrolet Spark, cu net na e momento ey tabata bay pa lora na su man drechi.
Polis na e sitio a pidi pa ambulance, mirando cu un dama di edad y tambe un mucha, envolvi den e accidente tabata sinti dolor na curpa. Dos ambulance a presenta na e sitio pa asina atende cu e heridonan.
