Diadomingo atardi alrededor di 5:35pm a sosode un accidente basta fuerte na e crusada di Wendy’s Palm Beach entre un auto marca KIA modelo Rio color blanco biniendo di zuid bayendo noord y un auto marca Suzuki modelo Ciaz color blanco tambe.
Parce cu un di e autonan a pasa den luz cora, pa cual Polis awor ta investigando y scuchando declaracion di testigonan cu tabata na e crusada na momento di e impacto.
Na tur tabatin 5 herido, pa cual mester a pidi presencia di dos ambulance na e sitio. A stabilisa tur pashent prome cu a transporta nan pa hospital pa ricibi tratamento medico avansa y otronan pa haci checkeo dor di sla ricibi.
E caminda a keda un bon rato cera, pa Departamento di Trafico por a haci su investigacion. Hecho ta cu ambos auto a keda cu hopi daño material.
