Accidente cu herido leve na crusada di Sero Pita

Dialuna atardi den careda di 5.30 di atardi a sosode un accidente pa falta di preferencia na e crusada di Sero Pita. Ta trata aki di un Kia Picanto Vcar color cora y un Hyundai Getz color berde. E Picanto tabata biniendo for di direccion di Ayo y e Getz for di Tamarijn. E Picanto cora cu turista aden no a duna preferencia na e Getz pues a sali su dilanti. E Getz a dal e Picanto y a pone draai casi 360 grado. E chauffeur di e Picanto a ricibi un kap chikito na cabes pero e no tabata desea asistencia medico. Daño material ta considerabel.

Comments

comments