Diadomingo, pa mas of menos 9:45 di mainta, tabatin un accidente cu herido na altura di Citgo Sasaki.
Aparentemente un Hyundai Tucson tabata biniendo di nort direccion p’e rotonde chikito, ora cu un pickup Ford F-250 a sali for di e stacion di gasolin riba un velocidad basta halto.
Chauffeur di e Hyundai a indica cu el a purba di hala, sinembargo el a obliga di hala, debi cu tabatin trafico contrario y no por a evita e impacto.
Ambulance a presenta n’e sitio unda cu nan a duna e chauffeur di e Hyundai asistencia, pero e no mester a bay hospital. Daño causa n’e Hyundai ta considerabel.