Accidente cu herido den Driemasterstraat

Den Driemasterstraat Polis a wordo manda pura pa un accidente cu hende herida. Na yegada a topa dos auto cu danjo material. E auto blauw maneha pa un dama a causa e accidente. E senjora tabata cu un yiu den e auto pero ningun di dos a sufri danjo. E auto blanco tabata bayendo nort y na dado momento esun blauw a medio sali. E dama no a mira e auto blanco ta bin. El a pidi disculpa  tambe na esnan cu a sufi danjo. Dor di e impacto e chauffeur di e auto blanco a perde control. El a bay dal den un cura di cas y despues keda para mey mey di caminda. Ambos persona den e auto blanco a keda herida. Cu ambulance nan a wordo hiba hospital. Den e auto blanco tabata tin un dama na banda cu a haya golpi na cabez y tabata sangra. E homber na stuur a haya sla na pecho. No ta conoci si nan tabata tin seatbelt bisti.