Diadomingo alrededor di 9:30 pm a sosode un accidente riba brug Gobernador Fredis Refunjol riba Green Corridor na altura di Pos Chikito. E accidente ta entre un auto marca Toyota modelo Yaris y un auto marca Hyundai modelo Santa Fe.
Ambos tabata coriendo direccion San Nicolas. Probablemente velocidad halto ta origen di e accidente aki.
Polis di trafico a presenta na sitio pa atende cu e accidente mientras cu polis di San Nicolas y Sta. Cruz a cera rotonde di Pos Chikito y tambe e rotonde di Drive-In. Ambulance a presenta pa check un cu e otro cu pasaheronan di e Yaris. Daño material tabata basta.
