Diabierna den oranan tempran di atardi ta sosode un accidente cu basta daño material na Savaneta, pero sin herido.
Segun por a comprende, casi yegando Zeerovers e accidente aki a tuma luga den cual tabatin dos vehiculo envolvi. E hecho a sosode net na momento cu awa tabata yobiendo pisa den e bisindario ey, un poco despues di 3’or.
No ta conoci si esaki por a contribui na e accidente, pero chauffeur di un pick-up cu un aanhangwagen di repente a hay’e ta maniobra ora cu e vehiculo cu e tabata lastra a bay di banda. Aparentemente e tabatin problema cu un di e wielnan, ya cu por a mira cu esun di dilanti a los. E aanhanhgwagen a keda di banda tira pero prome a dal den trafico cu tabata bini di otro banda. E auto particular a keda practicamente total loss, pero pa suerte no tabatin herido di gravedad.
