Diadomingo marduga, algo prome cu 2’or y mey, a sosode un accidente riba e caminda di Palm Beach, un tiki mas p’abao di Sole Mare Restaurant. Aki ta caminda cu un Hyundai Accent color blanco, cu dos dama aden, tabata bayendo direccion luz di trafico y direccion contrario tabata biniendo un Lincoln color off white, a lora dilanti di e Accent y a ocasiona e accidente.
Chauffeur di e Lincoln tabata mustra basta cansa. Famianan a yega dentro di un rato y a pone sinta den su auto. E chauffeur a saca na e sitio. A pidi ambulance pa asina bin trat’e y pa despues hib’e hospital pa tratamento medico avansa.
Daño material tabata basta, pero e damanan den e Accent no a keda herida.
