Un biaha mas Polisnan mester a atende un accidente cu a tuma luga na e crusada di Koningstraat, unda cu simplemente chauffeurnan no ta paga tino.
Diabierna mainta alrededor di 7.45 ta bati alarma pa un accidente cu a caba di sosode na crusada di Emmastraat y Koningstraat. Ta trata aki di un Nissan Tiida y un Toyota Prado na unda e Toyota Prado no a para na e crusada pa duna preferencia na unda e Nissan Tiida. E impacto tabata basta fuerte y e Tiida a keda practica total loss.
Ambulance a presenta na e sitio p’asina atende cu e herido cu tabata den e Nissan tiida na unda ta transporte pa hospital pa nan haci un check up. Un biaha mas un alerta ta bay pa chauffeurnan cu ta uza e caretera di Emmastraat y Koningstraat, pa paga tino na e crusada aki pasobra ta hopi accidente ta sosode, creando gastonan grandi pa e automobilistanan.