Diabierna marduga a tuma luga un accidente basta pisa den Caya Frans Figaroa cu basta daño material y un di e chauffeurnan a keda deteni pa core auto bao di influencia di alcohol.
Ta trata di un accidente entre un Lincoln color blanco y un Nissan March RHD. E Nissan a keda basta destrosa, caminda full e parti dilanti a bay aden. E Lincoln blanco tambe a ricibi basta daño parti dilanti.
E accidente aki a sosode na e rotonde nobo na altura di Fermin’s Bar. Ambulance tambe a presenta na e sitio, pa asina atende cu e chauffeur den e Lincoln.
Daño material ta considerabel.
