Algo pasa di 10’or di diasabra mainta, polis a bay Washington pa un accidente basta fuerte. Aki chauffeur di un Ford Escape color bruin, biniendo di zuid, di un manera of otro lo a perde control riba stuur, a hala na man robes y a dal riba un Nissan pickup color preto, cu tabata biniendo di nort. El a purba di bha caminda pa evita e accidente, pero e no a scapa y e Ford Escape a dal riba dje.
Daño material ta considerabel. Ambulance a presenta na e sitio, pa asina duna asistencia medico. A yama takelwagen tambe pa bin kita e autonan y pone nan un banda.
