Diadomingo anochi pasa di 9or a sosode un accidente basta fuerte na e crusada di Koyari. Esaki tabata net net pega cu Empresa Italo Arubano. A registra dos persona herida. Un den cada auto. Polis di Noord y di trafico a presenta pa asina sera e caminda y cuminsa cu investigacion pa saca afor con e accidente a sosode.
Polis di trafico a bin saca afor cu e chauffeur di e Chevrolet Aveo a sali for di e crusada di Empresa Italo Arubano sin duna e chauffeur cu e Hyundai Elantra biniendo for di zuid. Debi na e impacto fuerte dos persona a keda herida. A pidi presencia di ambulance y dos ambulance a presenta pa asina paramediconan duna assistencia medico. Daño material tabata basta.
